عجبى على ناس عايشة بتنداس وبعشقها للمداس داست على نفوسها
______________________________________________________
يا أمة نامت صابها النعاس فى الدماغ
صابها الطمع والجشع عاشت حياتها فراغ
وبإيدها قامت تقفل كل منفد نور
وبنتلنا لاجل خاطره ألف سور ورا سور
وتربست كل باب نفدلنا نوره
عم الظلام القتيم وفضلنا ورا سوره
يا أمة هانت بجد بتعملى كدة ليه؟
بقى مش كفاية هوانّا نهون عليكى ليه؟
يا أمة نامت ونعست وغطت فى نعاسها غطيط
ياللى انتِ أصلِك نضيف مين وسخك يا بيت ... عاوزين نحافظ عليه ونعيد له أمجاده؟
بس الغريب إننا كل أما نفتح باب بالقسوة إيدك تسده وتبنى لينا فى سور
ياأمة غالية وعظيمة حامى حماها جبان
تربس دماغه وقفلها هان الولاد واتهان
على مين يكون الكلام يابلدنا بالزمّة
دة احنا الولاد الغلابة وكلنا همة
بفخرنا بيكى وعزة قلبنا بيكى نعيد ليكى اللى كان
سيبى الجبان اللى هان عايش فى وهمه الكبير
ونعيش إحنا نحقق كل أحلامنا
أحلامنا عزة وعدالة وكلمة مسموعة
حب وأخوة وكرامة عالية ومرفوعة
يابلادى بأحلم ببكرة نمشى فى نور شمسك
وأى سور جاب ظلام يسقط أول ما أقول إسمك
