إحترت وإحتار دليلى فى الدنيا وأحوالها
دايماً تشرق تغرب مفتونة بجمالها
وجمالها دة آية وحسنها دة بيان
من غير ماتنطق قال وفاض بنا جمالها
وكلامها لو تسمعه سهم الهوى صابك
صابك فى مقتل وهد الحيل فى أيامك
زمان قال الحكيم ومفيش هنا سامع
الدنيا ملهاش امان وغدر الزمان شايع
فى الخلق من ماتخلق شد الخطى برجليه
ومشى ودبت خطاوى الشر رنانة
بترن زى الدهب تسمع لها حلوة
بجمالها عقلك ذهب وقلت آه حلوة
حلاوتها دى مرارة بس إنت مش دايق
هتدوق منين وإزاى والعقل مش رايق
دة العقل لو يوم غفل أخرنا ياما سنين
سنين وتمشى بسرعة وإحنا مش داريين
قلت الدراية هداية يرزقها للعاقلين
دول اللى عرفوا الحقايق دايماً لها ناصحين
حقيقتها زيف وغرور إصحوا بقى يا مجانيين
يلا بقى يا مجانيين
ليست هناك تعليقات:
إرسال تعليق