فى يوم قاعد .. ثوانى العمر بتعدى وانا فى حيرة
اقوم. العب. انام. اقعد. اقلب ذكريات نفسى فى وجدانى
افكر فى اختلاف احوالنا من بكرة اكيد لازم
افكر ، وبعد ما افكر اقوم وارسملك الصورة وانا عازم
تكون الفرشة من شجرك ولون الرسم من ارضك
وايد من خيرك اتربت هنا ترسملك الصورة
اقوم ارسم طموح بكرة امل وشموخ . ولاد بيحققوا الفكرة
فى بكرة نضيف. فى عيش ورغيف .. كرامة عدالة واخوة
اقوم وارسم غنى وزغاريد وفرح جديد ونور العيد .. يعيد البسمة والضحكة
اقوم ارسم شقا الغلبان .. تعب ما اتهان .. يبات فرحان بضربة فاسه والزرعة
اقوم و ارسم تلال الخير وشمس ونيل وصحبة وليل وساقية بتروى م الترعة
اقوم ارسم ولاد بلدى ..عيون سهرانة على أمنك .. ايدين مرفوعة تدعيلك وبتضمك
اقوم وارسم شهيد دمه بيرويكى .. بروحه الرايحة يفديكى .. بشهد كلامه يهديكى أنا ولدك
اقوم وارسم عيون نصرك ، شموس عصرك ، ولاد بطنك ، حرارة نورك الشافى .. سميرة ليلك الدافى ضيا قمرك
اقوم ارسم واقوم ارسم ... وكل الرسم والرسام فدى عينوك يابسمة فى حلمنا الباسم
يا شهد القلب والوجدان ياروح الروح ... يانور العين يا حب فى قلبنا ناسم
يا نسمة شوق ، وخفة وضوء يا أحلى كلمة باكتبها فداكى الروح ولو هتروح
تروح والفرحة من قلبى ودمعة حب من عينى على رضاكى بتتقاسم
ليست هناك تعليقات:
إرسال تعليق