من شوجى ليكى .... وانا جاعد هنا فى الغربة وحدى ..... ومن حبى الشديد لترابك لجيتنى بكيت
وجال الجوم من بعد ميت جوم .... البكى ضعف ــ آنى آسف ــ بكايا فى حبك الغالى .. شفايا وجوتى وسندى
هلف وادور وهأتذاكى وهامكر ليه
دة حبك فى سما جلبى مطر ينزل بيروى بميته جسدى اللى ربيتيه
ومن شمسك نشف عودى ..... ومن جمرك ضيا وجهى ........ ومن نيلك سرى دمى فى شريانى
وهارجع أجولها من تانى
دة حبك دة اللى خلانى أجول أشعار
بجيت والليل سهارى حبك النوار
بجيت ابحبك بشوف أرض وسما تانيين
ألوان وفرحة وسعادة من بعد شوج وحنين
هو انتى ايه اللى خلاكى حلوة الحلوين
جوليلى بس وجمالك ده بييجى منين
والله فى سماه دى اللى معرشة ارضك
وأرض ربنا دى وترابك النادى
حبك ليفضل عالى فى سما جلبى
ونور صباحك ينور مهجتى ونضرى
وتصبحى كل يوم الصبح عالية وكريمة
وتزعجى بعلو صوتك دة العلا جدرى
ليست هناك تعليقات:
إرسال تعليق