والله يا مصر وعشنا فيكى يومين
الحب يسرى فى الجسد
والدمع يجرى بحور من القلب ويا العين
وبعشقنا ليكى... قمنا حواليكى
نهتف باسمك وندعى عالظالمين
وساعدنا رب كريم ...قادر كمان ...وحليم
وقدرنا بيكى نعود ...لشواطئ السالمين
حالفين لبكرة يكون... بإذن رب الكون ..أحسن من امبارح
وتصبحى يابلادى.. كل يوم الصبح ..على ورد وجمال طارح
وتندهى لولادك الغاليين ....وتحكى... عن ظلم وأسى امبارح
وتحمليهم أمانة كل يوم الصبح ......وتقولى يا ولاد مصر
حاسبوا الخسيس الجبان.... عمره ما يتصالح
دة باع برخص الثمن... شرفه وناسه وبلده.. وعمره ما كان صالح
ييجى عليكى الليل ....والليل يزين سماكى بنور قمر واضح
وتحضنى يا مصر ...ولادك المخلصين وتحميهم ....حتى من النسيم الجاى والرايح
ليست هناك تعليقات:
إرسال تعليق