صباح الفل يا مصر الصبية
ياللى انتى ولادك ولاد مفترية
وشلة عصابة وكمان بلطجية
بحبك يا مصر وبعشق ولادك
ولو يوم ولادك بقوا بلطجية
هـــــــــأكون بلــــطجــــى
ولو يوم يكون مراد الكرامة خروج عالقانون
أنــــــــا عـــــــصبـــــــــجى
ولو يوم يقولوا الخنوع والخضوع للذل عزة
تغور المعزة وعيشة الرغد
ولو أمنهم فى خوفنا وضيقنا وكمان ذلنا
هندعى عليهم ونطلب مدد
وربك يمد فى حيلك يشد
يقوى ولادك يقوموا بمجد
وعزة وكرامة وفخر وأصالة وشدة وجد
يردولنا خيرك وعزك بجد
وبرضوا نعيش بلطجية فى حضنك
ونفضل كمان عصبجية فى حبك
ويفضل يا مصر صباحك مسكر
نعيش احنا فيه وشهدك مكرر
ودايماً فى عزك وخيرك تكونى
جميلة وهنية عزيزة ورضية
وبرضوا نعيش بلطجية يا غالية
ونفضل نناضل سوا بهمة عالية
لحد ما بكرة يجيلنا بنور
أو كل فاسد يسيبنا يغور
ليست هناك تعليقات:
إرسال تعليق